“Պեկին” ռեստորան

“Պեկին” ռեստորանը Երևանում գործում է 2005 թվականից: Սև, կարմիր գունային լուծումներով, չինական լամպերով, սննդի համար նախատեսված փայտիկներով, չինական և ճապոնական հիերոգլիֆներով ձևավորված ռեստորանի սրահն ինքնին տրամադրում և նախապատրաստում է արևելյան յուրատեսակ ուտեստների վայելքին: Այստեղ կարելի է համտեսել ինչպես չինական, այնպես էլ ճապոնական և թայլանդական խոհանոցների ճաշատեսակներ:

 

Չինական խոհանոցի ուտեստները դիետիկ են, հագեցնող, օգտակար ու դյուրամարս: Բանջարեղենի ջերմային մշակումն այստեղ հասցված է նվազագույնի, ինչի շնորհիվ պահպանվում են օգտակար վիտամիններն ու միներալները: Իսկ այդ ամենի համի երաշխավորողը չինացի հմուտ շեֆ-խոհարարն է:

 

“Բադ Պեկինյան ձևով”, “Բադ բամբուկով և արոմատացված սնկով”, “Ստերլետի ֆիլե թավայում”, “Խրթխրթան ձուկ”, ծովային դելիկատեսների լայն տեսականին և չինական այլ կերակրատեսակները “Պեկին” ռեստորանում առաջարկում են փորձել կծու, թթու, քաղցր համեմունքներով, որոնք բերվում են Չինաստանից, Ճապոնիայից և Թայլանդից: Այստեղ կարող եք համտեսել նաև աղանդերի լայն տեսականի: Մատուցվող ձկնատեսակները ներկրվում են Ռուսաստանից` թարմ վիճակում: “Պեկին” ռեստորանի խոհանոցում տեղական ծագում ունեն միայն բանջարեղենն ու մսի տեսակները:

 

Ռեստորանը մեծ հետաքրքրություն է առաջացնում ինչպես երևանցիների, այնպես էլ արտասահմանցի հյուրերի մոտ: Նրանք, ովքեր ճաշացանկում չեն գտնում իրենց գրավող ուտեստը, կարող են պատվիրել սեփական բաղադրատոմսով չինական, ճապոնական կամ թայլանդական կերակրատեսակ:

 

“Պեկին”-ում մեծ է նաև խմիչքի բազմազանությունը` ռոմ, վիսկի, կոնյակ, ռուսական օղի, ճապոնական “սակե”, ճապոնական գարեջուր, չինական սալորի գինի և այլն: Ռեստորանում անցկացրած ժամանակն առավել հաճելի է դառնում այստեղ հնչող չինական հանդարտ երաժշտության շնորհիվ: 

Տեսակ
    Ռեստորան
Խոհանոց
    Չինական, ճապոնական, թայլանդական
Իդեալական է
    “Պեկին” ռեստորանը կատարյալ վայր է նրանց համար, ովքեր նախընտրում են ինքնատիպ միջավայրում կազմակերպել բանկետ, ֆուրշետ, բիզնես հանդիպում, կորպորատիվ տոնակատարություն, հաճելի ժամանց, ընտանեկան և ընկերական ընթրիք
Հատուկ առաջարկ
    “Պեկին” ռեստորանն առաջարկում է “Բադ պեկինյան ձևով” յուրահատուկ ուտեստը, որը պետք է պատվիրել նախապես` ճաշկերույթից մոտ չորս ժամ առաջ: “Բադ գարեջրով` կրակի վրա” չինական ուտեստը ևս դասվում է “Պեկին”-ի օրիգինալ ուտեստների շարքին: Այն առանձնահատուկ է թե իր պատրաստման եղանակով, թե համային նրբերանգներով
Առանձնահատկություններ
    • Յուրաքանչյուր երկրի (Չինաստան, Ճապոնիա, Թայլանդ) խոհանոց “Պեկին”-ում ներկայանում է առանձին ճաշացուցակով, ինչն ավելի հեշտ ու հարմար է դարձնում ուտեստի ընտրությունը:
    • Ճաշացուցակը ժամանակ առ ժամանակ թարմեցվում է: 2012 թվականի սեպտեմբեր ամսից այն ընդգրկելու է այնպիսի կերակրատեսակներ, որոնց բաղադրատոմսի հեղինակային իրավունքը պատկանելու է “Պեկին” ռեստորանին:
    • Ռեստորանն առաջարկում է նաև ֆրանսիական, իտալական, չինական, թայլանդական և ճապոնական աղանդեր` “Տապակած բանան քնջութով”, “Տապակած բանան կարամելով”, “Մրգային տապակած պաղպաղակ” և այլն
Երաժշտություն
    Ռեստորանում հիմնականում հնչում է չինական մեղմ երաժշտություն
Միջին հաշիվը
    “Պեկին” ռեստորանում գները մատչելի են: Ծննդյան տոներին կամ կորպորատիվ միջոցառումներին մեկ անձի համար նախատեսված գումարը կազմում է 3500-4000 դրամ
Հագուստ
    Մուտքն արգելվում է սպորտային հագուստով
Առաքում
    Ռեստորանը սեղմ ժամկետում իրականացնում է պատվերների անվճար առաքում` Երևանի ողջ տարածքում
Ավտոկանգառ
    Ռեստորանին կից գործում է ապահով ավտոկանգառ
Վճարման միջոց
    Կանխիկ և վճարային քարտով

Թումանյան փ.

Հեռախոսահամար

(+374-10) 521331

Բջջ.`

(+374-99) 521331

Էլ.հասցե

info@pekin.am

Հասցե

ՀՀ, ք. Երևան, Թումանյան 9-1

Կայք`

www.pekin.am

Աշխ. ժամեր

Երկուշաբթի-կիրակի, 12:00-23:30

Սայաթ-Նովա փ.

Հեռախոսահամար

(+374-10) 545342

Բջջ.`

(+374-95) 545342

Էլ.հասցե

info@pekin.am

Հասցե

ՀՀ, ք. Երևան, Սայաթ-Նովա 33

Ցանկանու՞մ եք ներկայացված լինել կայքում

Գրանցեք ձեր ընկերության տվյալները և մենք կստեղծենք էջ Ձեզ համար բացարձակապես անվճար: Հարցերի և առաջարկնմերի դեպքում կարող եք զանգահարել մեզ հետևյալ հեռախոսահամարներով +37491 650 555

Ավելացրեք ձեր ընկերությունն ԱՆՎՃԱՐ