Հայկական բիզնես տեղեկատու

"Պրոֆ Ալ" ընկերությունը հիմնադրվել է 2002թ-ի  մարտի 19-ին և արտադրության ոլորտում համարվում է Հայաստանի լավագույն կազմակերպություններից մեկը:

"Պրոֆ Ալ"-ը Հայաստանում պաշտոնական ներկայացուցիչն է այնպիսի  արդյունաբերական ընկերությունների, ինչպիսիք են Forbo-ն, Armstrong-ը, Kami-ն, Luvipol-ը, Fameg-ը: Մոտ 300 աշխատող ունեցող ընկերության հետ համագործակցում են ոչ միայն տեղական, այլև միջազգային ճանաչում ունեցող շուրջ 50 արտադրամասեր` աշխարհի տարբեր երկրներից:

Իր գործունեության կարճ ժամանակահատվածում "Պրոֆ Ալ" ընկերությունը տվել է որակյալ արտադրանք և համարվել Հայաստանի խոշոր հարկատուներից մեկը: Այն նաև հունական հայտնի "ALUMIL" ընկերության պաշտոնական ներկայացուցիչն է Հայաստանում:

Վերջինս Հունաստանի ալյումինի արդյունաբերության  ամենամեծ հոլդինգն է, որն իր ենթակայության տակ ունի 9 ժամանակակից գործարաններ` իրենց  25 մասնաճյուղերով: Ընկերության դիստրիբյուտորական ցանցը ծածկում է Եվրոպայի, Աֆրիկայի, Մերձավոր Արևելքի և Ամերիկայի Միացյալ Նահանգների շուկաների մեծ մասը:

"Պրոֆ Ալ"-ը նաև համագործակցում է  ավստրիական "EGGER" ֆիրմայի հետ, որը Եվրոպայում կահույք արտադրող առաջատար կազմակերպություններից մեկն է և իր կազմում ունի եվրոպական 5 երկրներում սփռված  ավելի քան15 գործարաններ: